Song—The Banks o’ Doon (First Version)
Sweet are the banks—the banks o’ Doon,
The spreading flowers are fair,
And everything is blythe and glad,
But I am fuÂ’ oÂ’ care.
ThouÂ’ll break my heart, thou bonie bird,
That sings upon the bough;
Thou minds me oÂ’ the happy days
When my fause Luve was true:
ThouÂ’ll break my heart, thou bonie bird,
That sings beside thy mate;
For sae I sat, and sae I sang,
And wist na oÂ’ my fate.
Aft hae I rovÂ’d by bonie Doon,
To see the woodbine twine;
And ilka birds sang oÂ’ its Luve,
And sae did I oÂ’ mine:
WiÂ’ lightsome heart I puÂ’d a rose,
Upon its thorny tree;
But my fause Luver staw my rose
And left the thorn wiÂ’ me:
WiÂ’ lightsome heart I puÂ’d a rose,
Upon a morn in June;
And sae I flourished on the morn,
And sae was puÂ’d or noon!
Poems by Robert Burns
